bkn-20221120110331479-1120_00862_001_01p

廖碧兒回加拿大行畢業禮　着袍戴四方帽成就解鎖

原文網址：廖碧兒回加拿大行畢業禮　着袍戴四方帽成就解鎖 | on.cc東網 | 繽FUN星網 https://hk.on.cc/hk/bkn/cnt/entertainment/20221120/bkn-20221120110331479-1120_00862_001.html

女星廖碧兒早前重返校園完成碩士課程，近日佢終於再次回到加拿大卑詩大學（University of British Columbia）出席畢業禮，佢喺社交網大晒多張畢業靚相，見佢着上畢業袍、拋起四方帽，感覺勁青春，佢更獲親朋好友特意前來觀禮兼送花支持，相當溫馨。佢留言表示好開心終於完成呢個漫長嘅旅程，多謝身邊一直支持自己嘅人，雖然期間冇不少挑戰，但冇以往嘅經歷就唔會成就今日嘅自己。佢續指仲有好多嘢要學習及體驗，亦唔會再質疑人生中遇到嘅困難，好期待可以繼續呢個旅程，似乎預告有意繼續校園生活。

身在當地的碧兒接受東網訪問，透露兩年前因疫情關係未能現身畢業禮，如今終於完夢感興奮，她說：「父母見到我終於畢業好開心，今次仲見埋公公，可以一家人慶祝，仲有圈內爸爸秦沛同苗僑偉，都約到聚埋一齊，真係好開心。」

向來熱愛讀書的她，不諱言因當年參加選美，結果要改變讀書計劃，直至2018年終於下定決心重返校園：「當時拍緊ViuTV劇，好多公司同監製夾到時間，令我每個星期都飛到返嚟返學，過程都辛苦，但依家係一個收鑊，不過我都有讀緊一個Master課程，同一個關於做生意嘅Global Programme，嚟緊17個月會繼續努力。」